• ७ मङ्सिर २०८३ आइतबार/ Sunday 11-22-2026
  • स्टुडियो टाईम : ११:०४

पुस्तौँदेखिको परम्परा जोगाउँदै हुम्लामा दुबाटु (गौरा) पर्व

|

हुम्ला — हुम्लाका ठकुरी बस्तीमा पुस्तौँदेखि मनाउँदै आएको दुबाटु (गौरा) पर्व आजदेखि सुरु भएको छ। धार्मिक आस्था, मौलिक संस्कृति र सामाजिक एकताको प्रतीक मानिने यो पर्व सुरु भएसँगै जिल्लाका विभिन्न ठकुरी बस्तीमा चहलपहल बढेको छ।

खोल्सी, चैगानफया, डाँडाफया, हिल्दुम, छिप्रा, खर्पेलगाउँ, प्युस, लाली, साँया गोठी र रोडिकोट लगायतका बस्तीमा स्थानीयले परम्परागत विधि अनुसार गौरा पर्व आजबाट सुरू भएको छ । पर्वका अवसरमा महादेब र गौरा देवीको पूजा–आराधना, व्रत तथा विभिन्न धार्मिक र सांस्कृतिक गतिविधि गरि दुबाटु (गौरा) पर्व मनाईन्छ ।

स्थानीय परम्परामा गौरा पर्वलाई भगवान् शिव र गौरीसँग जोडिएको आस्था तथा पारिवारिक सुख, शान्ति र समृद्धिको कामना गर्ने पर्वका रूपमा लिइन्छ। पर्वमा देउडा खेल्ने, आफन्त तथा इष्टमित्र भेला हुने र सामूहिक रूपमा धार्मिक तथा सांस्कृतिक गतिविधि गर्ने चलन छ।

स्थानीयका अनुसार दुबाटु केवल धार्मिक अनुष्ठानमा सीमित पर्व होइन। पुर्खाबाट हस्तान्तरण हुँदै आएको संस्कृति, सामाजिक सम्बन्ध र सामुदायिक पहिचानलाई नयाँ पुस्तासम्म पुर्‍याउने माध्यम पनि हो। आधुनिक जीवनशैलीको प्रभाव बढिरहेका बेला मौलिक पर्वको निरन्तरताले स्थानीय सांस्कृतिक पहिचान संरक्षणमा समेत भूमिका खेलेको छ।

पर्वका क्रममा गाउँबस्तीमा आफन्त र समुदायबीच भेटघाट तथा शुभकामना आदानप्रदान हुने भएकाले सामाजिक सद्भाव अभिवृद्धिमा समेत यसको महत्व रहेको स्थानीय बताउँछन्। दुबाटु (गौरा) पर्वले हुम्लाको मौलिक संस्कृति र परम्पराको निरन्तरतालाई समेत उजागर गर्दै आएको छ।

प्रतिकृया दिनुहोस

पेनाल्टी सुटआउटमा सिम ब्वाइजलाई हराउँदै ठेहे फुटबल क्लबले जित्यो प्रथम गोल्डकपको उपाधि

# रास्ट्रिय

२९ कार्तिक, २०८३

हुम्ला — पेनाल्टी सुटआउटसम्म पुगेको रोमाञ्चक फाइनलमा सिम ब्वाइज क्लब सिमकोटलाई पराजित गर्दै ठेहे फुटबल क्लबले दिगो विकास–रानीवन प्रथम गोल्डकप

छठ पर्वको भोलिपल्ट पनि सार्वजनिक बिदा, सोमबार सरकारी कार्यालय बन्द

# रास्ट्रिय

२९ कार्तिक, २०८३

हुम्ला — छठ पर्वको धार्मिक परम्परा र व्रतालुहरूको सुविधालाई ध्यानमा राख्दै सरकारले पर्वको भोलिपल्ट सोमबार पनि सार्वजनिक बिदा दिने निर्णय गरेको छ।

पहिलो गोल्डकपको इतिहास रच्ने दाउमा सिम ब्वाइज र ठेहे

# रास्ट्रिय

२८ कार्तिक, २०८३

हुम्ला — हुम्लामा जारी प्रथम गोल्डकप जिल्ला स्तरीय पुरुष फुटबल प्रतियोगिताको उपाधिका लागि सिम ब्वाइज क्लब र ठेहे फुटबल क्लबबीच प्रतिस्पर्धा हुने

फोटो ग्यालरी

↑